Attende

Beredskapsplan

Formål

Beredskapsplanen skal sikre at klubben handterer ulukker, skadar, kriser og uønskte hendingar raskt, korrekt og omsynsfullt.Radøy Fotballklubb sin beredskapsplan er todelt. 

Del 1 gjeld ved ulukker, skadar og uønsktehendingar generelt, og del 2 tek for seg seksuelle overgrep og trakassering spesielt.

Viktige telefonnummer

Ansvarsfordeling

Trenar/Lagleiar

• Sikre skadestad.
• Gi førstehjelp.
• Varsle føresette ved behov.
• Kontakte naudetatar ved alvorlege hendingar.
• Rapportere hendinga til klubben.

Klubbleiar/Kriseleiing

• Koordinere vidare oppfølging.
• Vere kontaktperson mot media.
• Informere styret.
• Ivareta pårørande og involverte.

Alvorleg skade på trening eller kamp

Ved skade:

1. Stopp aktivitet umiddelbart.
2. Sikre skadestad.
3. Vurder skadeomfang.
4. Ring 113 ved alvorleg skade.
5. Ta imot ambulanse og vis veg.
6. Kontakt føresette dersom den skadde er mindreårig.
7. Registrer hendinga.

Hjartestans

Ved mistanke om hjartestans:

1. Ring 113 straks.
2. Start hjarte- og lungeredning (HLR).
3. Hent hjartestartar.
4. Følg instruksjonane frå hjartestartaren.
5. Fortsett til helsepersonell tek over.

Hjartestartar finst:

• Klubbhus Austmarka ved kiosk, Garderobebygg Grønålen ved kiosk.

Alvorleg sjukdom eller dødsfall

Tiltak:

• Varsle 113 og politi.
• Informer klubbleiar omgåande.
• Berre klubbleiar uttalar seg til media.
• Ivareta lagkameratar og involverte.
• Tilby samtalar og støtte.

Brann

1. Ring 110.
2. Evakuer bygget.
3. Møt ved avtalt samlingsplass.
4. Ingen går inn att før brannvesenet gir klarsignal.

Samlingsplass:

• Fotballbane

Sakna barn

1. Varsle kampvert og arrangementsansvarleg.
2. Stans aktiviteten dersom nødvendig.
3. Organiser søk i nærområdet.
4. Kontakt føresette.
5. Ring politiet ved behov.

Uønskte hendingar og tryggleik

Døme:

• Vold eller truslar.
• Mobbing eller trakassering.
• Mistanke om rus.
• Seksuelle krenkingar.
• Alvorlege brot på Fair Play.

Tiltak:

• Sikre dei involverte.
• Dokumenter hendinga.
• Varsle klubbansvarleg.
• Følg NFF sine retningsliner og varslingsrutinar.

Kommunikasjon med media

• Berre klubbleiar eller den som er utpeikt av styret uttalar seg.
• Ingen publiserer namn eller bilete av skadde utan samtykke.
• Informasjon skal vere korrekt og faktabasert.

Etterarbeid

Etter ei alvorleg hending skal klubben:

• Gjennomføre evaluering.
• Dokumentere hendinga.
• Følgje opp involverte.
• Oppdatere beredskapsplanen ved behov

Ansvar for oppfølging: Leiar

Del 2- Førebygging og handtering av seksuelle overgrep og trakassering

Målet med denne beredskapsplanen er å førebyggje og avdekkje seksuelle overgrep og trakassering mot medlemmar som er tilknytte Radøy FK.  

Planen skal sikre at medlemmene, føresette og andre tilknytte klubben:  

·      har tilstrekkeleg kunnskap om seksuelle overgrep og trakassering  

·      har god kjennskap til innhaldet i beredskapsplanen og etiske retningslinjer  

Planen skal skape grunnlag for ein open dialog om temaet både internt i klubben, og mellom medlemmar og føresette til klubbens utøvarar.  

Planen skal òg ivareta dei vurderingane som må gjerast etter at eit overgrep er meldt.  

Ein open dialog om seksuell trakassering og overgrep vil skape tryggare rammer for alle, og ein føreseieleg og trygg arena for klubbens medlemmar, med mindre grobotn for ugrunna mistankar.  

Definisjonar  

Seksuell trakassering er uønskt seksuell merksemd som har som formål eller verknad å vere krenkjande, skremmande, fiendtleg, nedsetjande, audmjukande eller plagsam. Seksuell trakassering kan vere alt frå seksuelle kommentarar om kropp og utsjånad, til simulering av seksuelle rørsler, klåing, tafsing, berøring og overgrep.  

Voldtekt er å skaffe seg seksuell omgang ved vald eller trugande åtferd, ha seksuell omgang med nokon som er medvitslaus eller av andre grunnar ute av stand til å motsetje seg handlinga, eller ved vald eller trugande åtferd få nokon til å ha seksuell omgang med ein annan, eller til å utføre handlingar som svarar til seksuell omgang med seg sjølv.  

Følgjande praksis og rutinar er i bruk i Radøy FK  

Politiattest  

Klubben har ein politiattestansvarleg med personleg vara, som ved kvar sesongstart ajourfører og sikrar at politiattest er motteken. Denne personen skal av styret gjerast kjend med namn på nye trenarar/lagleiarar som kjem til i løpet av ein sesong, spesielt haustsesong og nye førsteklassingar.  

Alle tilsette og frivillige over 15 år som skal utføre oppgåver som inneber eit tillits- eller ansvarsforhold overfor mindreårige eller menneske med utviklingshemming, skal framvise politiattest for politiattestansvarleg (eller vara).  

Beredskapsgruppe  

Klubben har ei eiga beredskapsgruppe mot seksuell trakassering og overgrep. Marit Johnsen og Jannicke Helland har ansvaret for gruppa. Øvrig medlem er Sindre Erstad.  

Beredskapsgruppa har ansvar som nemnt under for å følgje opp saker i klubben.  

Førebyggjande arbeid (Klubben sitt ansvar)  

·      Klubben har etiske retningslinjer som gjeld for alle medlemmar og andre som er tilknytte klubben.  

·      Dei etiske retningslinjene skal signerast av alle klubbens representantar og personar som har ansvar for barn og unge i klubbens regi (t.d. ledsagarar på reiser/samlingar/turneringar) før tiltreding i verv eller rolle.  

·      Klubben skal informere utøvarane og deira føresette om denne beredskapsplanen ved sesongstart og på foreldremøte, minimum ein gong i året.  

·      Klubben si leiing skal gjennomføre jamlege øvingar på gjennomføring av beredskapsplanen, minst ein gong i året.  

·      Beredskapsplanen og dei etiske retningslinjene skal vere lett tilgjengeleg på klubbens nettside.  

Ved mistanke (Gjeld alle)  

Ved konkret mistanke eller informasjon om hendingar knytt til seksuell trakassering, seksuelle overgrep eller vald, skal du:  

·      Kontakte politiet direkte, som er rette instans til å undersøkje lovbrot  

·      Ikkje konfrontere den mistenkte – overlat dette til politiet  

Ved bekymring (Gjeld alle)  

·      Informer ansvarleg for beredskapsgruppa – ikkje involver andre før avtale  

·      Start loggføring – noter observasjonar  

·      Er du usikker: ta kontakt med instansar som er nemnt i planen. Ikkje vent for lenge  

·      Beredskapsgruppa melder bekymringa til barnevern/politi, men du har sjølvstendig varslingsplikt dersom dei ansvarlege ikkje varslar  

·      Klubbens representantar er ikkje etterforskarar – ikkje still leiande spørsmål  

·      Lytt til barnet, ta det på alvor, styr ikkje samtalen  

·      Noter barnets utsagn etter samtalen  

·      Ver ærleg, og lov aldri tausheit  

Ved akutte overgrep (Gjeld alle)  

·      Kontakt beredskapsgruppa som varslar politiet, eller kontakt politiet sjølv  

·      Ved skade: ring 113  

·      Sørg for tryggleik rundt barnet  

·      Ikkje skift klær, bad eller vask barnet  

Handlingsalternativ (Klubben sitt ansvar)  

Trakassering  

·      Beredskapsgruppa bør gjennomføre separate møter med begge partar  

·      Gruppa legg fram sak for styret, som gjev reaksjon  

·      Styret vurderer eventuell påtale til NIF sitt domsutval  

Overgrep  

·      Kontakt politi eller barnevernsvakt  

·      Politiet står for avhøyr og undersøking  

·      Klubben skal ikkje etterforske, men følge opp internt  

·      Styret vurderer om saka skal meldast til NIF  

Samtale med utøvarar (Gjeld alle)  

·      Snakk ope og konkret  

·      Unngå intime detaljar  

·      Gje rom for å dele tankar og kjensler  

·      Følg med på etterreaksjonar  

Samarbeidspartnarar (Beredskapsgruppa sitt ansvar)  

·       Beredskapsgruppa skal ha kontakt med fagpersonar som har kompetanse på seksuelle overgrep mot barn.  

·       Kommunar har konsultasjonsteam, og alle er knytt til barnehus.  

Ved mistanke som krev fagleg konsultasjon har klubben avtale med:  

Politi – Tlf: 56 35 56 70 / 02800  

Alver barnevern / barnevernvakt – Tlf: 56 37 50 82  

Statens barnehus Bergen – Tlf: 55 55 69 00  

Nok.-sentra – Tlf: 55 90 49 90  

Varslingsplikt  

Barnevernet skal varslast når «det er grunn til å tru at eit barn blir mishandla i heimen eller det føreligg andre former for alvorleg omsorgssvikt» (barnevernlova § 6-4).  

Bekymringsmeldingar skal sendast til:  

Alver Barnevern – Tlf: 56 37 50 82  

Politi  

Ved akutt fare skal politiet varslast (straffelova § 139).  

Politiet i Nordhordland lensmannskontor – vakthavande – Tlf: 56 35 56 70  

Årleg kontroll

Beredskapsplanen skal gjennomgåast kvart år av styret og vere tilgjengeleg for:

·       Trenarar

·       Lagleiarar

·       Kampvertar

·       Styremedlemmer

·       Arrangementspersonell